2 Kumpirmadong Kaso ng COVID-19, Naitala sa Naic, Cavite

Ayon sa inilabas na pahayag ni Naic Mayor Jun Dualan sa kaniyang Facebook page, 2 bagong kaso ng COVID-19 ang naitala sa Naic ngayong Miyerkules, Hulyo 15, 2020. Ang mga pasyente ay kinilalang sina Patient #11 at Patient #12.

“Para po sa kaalaman ng lahat, ang nagpositive po ay si Patient #11, isang lalake, asymptomatic, 41 years old na taga Phase 1 South Morning View, Brgy. Timalan Balsahan na nagtatrabaho bilang driver. Siya po ay nasa pangangalaga ng Rural Health Unit for isolation.” pahayag ng alkalde.

“Ang isa pa po ay si Patient #12 isang babae, mild case, 20 yrs old na taga Brgy. San Roque. Siya po ay kasalukuyang nakaconfine sa isang pribadong ospital dito sa Cavite.” dagdag nito.

Samantala, nagsasagawa naman umano ng contact tracing ang Rural Health Unit ng bayan upang malaman ang mga taong nakasalamuha ng mga nagpositibo sa COVID-19. “Nagsasagawa napo ng contact tracing ang ating RHU upang maischedule ng swab testing ang mga nakasalamuha ng mga nagpositibo.” ani Dualan.

Pinaalalahanan din nito ang mga nasasakupan na patuloy na mag-ingat upang makaiwas sa sakit. “Panatilihin ang pag iingat. Isuot ang face mask sa tamang paraan na natatakpan ang ilong at bibig at sundin ang proper social distancing protocols.” ayon dito.

Sa kabuuan, 12 na ang bilang ng mga nagpositibo sa COVID-19 sa bayan ng Naic kung saan 8 dito ang gumaling na at 2 naman ang nasawi.

Para sa buong talaan ng mga kaso ng COVID-19 sa bawat lungsod at bayan sa Cavite, tignan ang CAVITE COVID-19 TRACKER.

Other Stories

For more news and important updates about Cavite, please like Proud Caviteño Facebook page.