Mag-asawa na sakay ng motorsiklo, patay matapos maaksidente

Patay ang mag-asawang magkaangkas sa motorsiklo matapos makasalpukan ang isang kasalubong na pick-up sa kahabaan ng Aguinaldo highway Barangay Lalaan 1, Silang, Cavite.

Kapwa binawian ng buhay habang nilalapatan ng lunas sa ospital ang mga biktimang sina Ruel Cortez, 41 at Glenda Cortez, 35, mga taga rgy. Taludtod, Balayan, Batangas.

Batay sa report ng Silang Police, patungo sa direksyon ng Tagaytay ang mag-asawa mula sa bayan ng Silang nang masabitan ang mga ito ng kasalubong na pick-up na nag-ovetake sa isang nakatigil na subcompact SUV sa gitna ng highway dakong alas 6:00 ng umaga.

Sa kuha ng CCTV, huminto ang SUV para kumalliwa subalit sumabit dito ang nag-overtake at nagpumilit na lumusot na pick-up.

Dahil sa impact, napatulak ang pick-up papunta sa linya ng paparating na motorsiklo na hindi na nakaiwas sa sasakyan at bumangga sa tagiliran.

Nagtamo ang mag-asawa ng mga grabeng pinsala sa ulo at katawan matapos tumumba ang kanilang motorsiklo.

Agad isinugod ang mga ito sa ospital kungsaan halos wala pang isang oras ay kapwa na binawian na ng buhay.

Kinustodiya naman ng Silang PNP ang nagmamaneho sa pick-up at ang driver ng SUV na isang Korean National at posibleng maharap sa kasong reckless imprudence resulting in double homicide.

Cavite COVID-19 Tracker

Other Stories