Ligtas pa rin Pasyalan ang Tagaytay kahit sa kabila ng Pagaalboroto ng Bulkan Taal

Matapos ang nangyaring paga-alburoto ng Bulkang Taal, ipinaalam ng PHIVOLCS na maaari at ligtas pa ring pumunta sa lungsod ng Tagaytay nitong Linggo, Hulyo 4. Anila, maaari pa ring bumisita ng mga turista at biyahero sa Tagaytay ngunit maigting nilang ipinapaalala ang pagsusuot ng face masks sa lugar, batay kay PHIVOLCS office-in-charge Renato Solidum.

“Wala pang pagsabog nang malakas ang Taal, ang pagsabog hindi po papunta ang hangin sa Tagaytay, wala pong peligro doon, kailangan lang bantayan saan papunta ang direksyon ng hangin. Kung safe pumunta? Wala naman pong problema, kailangan may dala kayong mask palagi,” paglilinaw niya.

Matatandaan na nagbuga ng phreatimagmatic plume ang Bulkang Taal na namataan ng PHIVOLCS nitong Huwebes, na nagresulta sa pagtaas ng alert level status nito sa ikatlong bahagdan. “Kasi pwede naman fountaining lang ng lava, hindi po yun magiging delikado, depende po saan ang pagsabog at saan direksyon. Sa ngayon doon patungo sa Laurel at Agoncillo,” dagdag ni Solidum.

Aniya, kaiba ito sa nauna nang ipinakitang pagbuga ng usok ng Bulkang Taal noong nakaraang taon.
“Bago sumabog nung January 2020, walang nakita nilalabas na gas, ibig sabihin naiipon ito sa baba. Ito pong nangyari ngayon marami nang paglabas ng gas, ibig sabihin nag-dede gas ang magma. ‘Pag ka hindi nakakaipon ng maraming pressure, pwede magka explosion, hindi ganun ka lakas. Pero kung mabara, maipon, magka pressure, kung tumaas, labas ng labas ng gas, baka mas malaki pa ang pagsabog kumpara noong Huwebes,” saad ni Solidum.

Bukod rito, nilinaw rin niya na walang volcanic smog na namataan sa kalakhang Maynila matapos ang naturang pag-alburoto ng Taal.

“Huwag natin tawagin volcanic smog, hindi natin yun nalanghap na masangsang, walang ganun, sa taas po yun, hindi po sa baba. Ang masama pag sobrang concentration, kaunting ambon babagsak po yun. Kaya bawal po maligo ang mga kabataan lalo na dyan sa paligid ng Taal dahil acidic po yan. Nakakasunog din ng halaman,” pahayag ng Solidum.

Source by ABS-CBN News
Photo courtesy by viator.com