2 Taon Gulang na Bata, Patay Matapos Mabulunan ng Jelly Candy

Junior High School (JHS) students inside the classroom (RIO DELUVIO / FILE PHOTO / MANILA BULLETIN)

Naganap ang insidente nitong Miyerkules, Mayo 04, 2021 sa Mati City, Davao Oriental. Narito ang ilang pahayag mula sa ABS-CBN News.

“Nagdadalamhati ang pamilya Cercado sa Mati City, Davao Oriental dahil sa pagpanaw ng 2 taong gulang nilang miyembro na si Ash. Noong Miyerkoles, binawian ng buhay si Ash matapos malunok nang buo ang isang jelly candy. Isinugod pa ang bata sa St. Camillus Hospital. Kuwento ng inang si Kristine Cercado, nasa trabaho siya noon sa bayan ng Baganga, na 2 oras ang layo mula sa Mati, kaya naiwan ang bata sa pangangalaga ng lola nito.”

“Tumawag ang nanay ko sa akin na umiiyak. Sinabihan niya ako na nabulunan ng candy ang bata,” kuwento ni Kristine. Kinausap pa ng ina si Ash habang nasa emergency room, kung saan natanggal rin ang kendi na bumara sa kaniyang lalamunan.

“Pero bago pa man mailipat sa ward, hindi na aniya humihinga ang bata. Sinubukan pa umanong isalba ng mga doktor at nars si “Ash” pero hindi na umano nito nakayanan. “Gumuho ang mundo ko sa pagkawala niya,” sabi ni Kristine, na inilarawan ang kaniyang anak bilang mabait at malambing. Bumuhos naman ang pakikiramay at tulong sa pamilya sa pamamagitan ng social media. Nakatakdang ilibing si Ash sa Mayo 8.”

Source: ABS-CBN News
Photo courtesy by ABS-CBN News

Cavite COVID-19 Tracker

Para sa buong talaan ng mga kaso ng COVID-19 sa bawat lungsod at bayan sa Cavite, tignan ang CAVITE COVID-19 TRACKER.

Other Stories

For more news and important updates about Cavite, please like Proud Caviteño Facebook page.