Xander Ford, Arestado sa Kasong Isinampa ng Ex-Girlfriend

Arestado ang internet sensation at dating Hasht5 member na si Xander Ford nitong Martes, Disyembre 23, 2020.

Ang balitang ito ay kinumpirma ng kaniyang management na  Star Image Artist Management sa pamamagitan ng Facebook live nitong Martes ng gabi.

Batay rito, kasalukuyang nakakulong sa isang presinto sa Tondo, Maynila si Xander Ford matapos mabigyan ng warrant of arrest sa kasong isinampa ng dati nitong kasintahan.

Pahayag naman ng management nito, handa naman silang tulungan si Xander Ford kahit pa wala nang koneksyon at pakikipag-ugnayan sa kanila matapos nitong umalis sa kanilang poder.

Ngunit dagdag nila, kinakailangang managot si Xander sa oras na mapatunayang nagkasala ito.

Binigyang linaw naman ng management na hindi gimik o gawa-gawa ang pagkakaaresto sa artista.

Aalamin naman ng management kung maaaring makapagpiyansa si Xander habang dinidinig ang kaso upang makalaya ito.

Pakiusap din nila sa publiko, huwag agad husgahan si Xander Ford at hintayin munang lumabas ang resulta ng pagdinig sa kaso.

Cavite COVID-19 Tracker

Para sa buong talaan ng mga kaso ng COVID-19 sa bawat lungsod at bayan sa Cavite, tignan ang CAVITE COVID-19 TRACKER.

Other Stories

For more news and important updates about Cavite, please like Proud Caviteño Facebook page.