WALANG LOCKDOWN SA CAVITE, Ayon kay Governor Jonvic Remulla

Opisyal na inanunsyo ni Cavite Governor Jonvic Remulla sa kaniyang Facebook page nitong Miyerkules, Disyembre 23 na walang katotohanan ang kumakalat na tsismis kung saan ang Cavite ay magkakaroon muli ng lockdown ngayong kapaskuhan.

“Nitong mga nakaraang araw, maraming bali-balita na ang Cavite daw ay muling isasailalim sa ECQ dahil sa patuloy na pagtaas ng COVID-19 cases sa lalawigan.” ani Remulla.

Sa kaniyang post rin, ibinahagi nito ang bilang ng mga kaso ng COVID-19 sa lalawigan.

7 cases on December 5, 2020

15 cases on December 6, 2020

10 cases on December 7, 2020

58 cases on December 8, 2020

13 cases on December 9, 2020

5 cases on December 10, 2020

4 cases on December 11, 2020

11 cases on December 12, 2020

47 cases on December 13,2020

14 cases on December 14,2020

5 cases on December 15,2020

11 cases on December 16,2020

5 cases on December 17,2020

3 cases on December 18,2020

6 cases on December 19,2020

22 cases on December 20,2020

“Average for the last 16 days: 14.75” aniya.

“Admittedly, I am not proud of these numbers because COVID remains undefeated. Pero hindi ko maitatagong very proud ako sa mga Caviteño dahil talaga namang bumaba na ng husto ang mga positibong kaso natin.” dagdag nito.

“Siguro naman ay maaari na nating maipagmalaki na kahit papaano ay umangat ang antas ng pagmamasid at pag-iingat ng ating mga kalalawigan laban sa pandemya na nagparalisa sa ating lahat nitong 2020.” pahayag din ng gobernador.

Kaya naman, mariin nitong sinambit na hindi magkakaroon ng lockdown sa buong lalawigan ng Cavite.

“Ayon sa ating Provincial Health Surveillance Officer, ang Cavite po ay patuloy na mananatili sa MGCQ ngayong kapaskuhan.

I repeat: NO LOCKDOWN.” ani Remulla.

Ngunit paglilinaw ng gobernador, ipinagbabawal pa rin ang mass gathering katulad ng Christmas party upang makaiwas sa sakit dulot ng COVID-19.

“Absolutely no Christmas parties or gatherings pa rin.” aniya.

Cavite COVID-19 Tracker

Para sa buong talaan ng mga kaso ng COVID-19 sa bawat lungsod at bayan sa Cavite, tignan ang CAVITE COVID-19 TRACKER.

SHARE ON SOCIAL MEDIA

23 Pasyenteng Nakatanggap ng COVID-19 Vaccine, Nasawi

Jan 17, 2021

Narito ang pinakalatest na update tungkol sa #WALANGPASOK dito sa lalawigan ng Cavite. Huwag kalimutang i-refresh ang aming website para maging updated ka. Updated as of 10:52 AM | November 11, 2020 *No Announcement 23 katao ang namatay sa Norway ilang...