Remulla, Sisiguraduhing ang Lahat ng Caviteño ay Makakatanggap ng COVID-19 Vaccine

Junior High School (JHS) students inside the classroom (RIO DELUVIO / FILE PHOTO / MANILA BULLETIN)

Sa Facebook live ni Cavite Governor Jonvic Remulla ngayong Martes, Agosto 4, 2020, binanggit nito na sisiguraduhin niyang ang lahat ng mga Caviteño ay makakatanggap ng bakuna laban sa COVID-19 sa oras na magkakaroon na nito.

Ayon kay Remulla, mayroon nang paghahandang ginagawa ang lalawigan kung saan mayroong application na kailangang ilagay sa mga cellphone upang ma-monitor ang pagbibigay ng bakuna sa mga Caviteño. “Mayroon pong isang programa ang kapitolyo na ilalagay po sa smartphone niyo.” aniya.

Ngunit pangamba nito, 10 milyong tao lamang umano ang kayang bigyan ng gobyerno sa buong bansa. “Ang sabi ng national government, may pera lang sila para sa 10 milyong tao. Para po ma-vaccinate ang buong Cavite, ang kailangan po natin ay 6billion pesos. Ang budget po ng Cavite ay halos 5 billion lamang.” pahayag nito.

Ngunit pangako ni Remulla, gagawin nito ang lahat upang mabigyan ang lahat ng Caviteño ng COVID-19 vaccine. “Ang pangako ko sa inyo, kahit iutang ko po o isangla ang ari-arian ng ating lalawigan, ang Cavite ay magkakaroon ng vaccine.” aniya.

“At kung magkakaroon po tayo ng vaccine, kailangan po may sistema ng pagrelease ng vaccine. Ang vaccine po ay hindi pwedeng bigay ng barangay health worker o nurse. Ang puwede lang po magbigay ay doktor.” dagdag nito.

Paliwanag ni Remulla, magkakaroon ng isang sistema upang masigurong ang lahat ng mamamayan ay mabibigyan. “Magkakaroon po tayo ng database para sa buong lalawigan para siguraduhin po natin na 100% ng Caviteño ay magkakaroon ng vaccine.” pahayag nito.

“There’s nothing more important than health. Pag healthy na po ang ating population, tuloy na po ang dati nating buhay. Pero until we resolve that problem, that will never happen.” ayon sa kaniya.

Dagdag pa ng gobernador, hindi mamimili ang gobyerno kung sino ang unang bibigyan nito. Ang mga nangangailangan ang uunahing bibigyan ng bakuna katulad ng mga may malubhang karamdaman gayundin ang matatanda. “Hindi po kami pipili ng mayaman o mahirap. Those who need it first will get it first lalong lalo na yung matatanda.” ayon kay Remulla.

“I will not be first, my family will not be first.” mariing pahayag ng gobernador.

Cavite COVID-19 Tracker

Para sa buong talaan ng mga kaso ng COVID-19 sa bawat lungsod at bayan sa Cavite, tignan ang CAVITE COVID-19 TRACKER.

Other Stories

For more news and important updates about Cavite, please like Proud Caviteño Facebook page.