P2.1 milyon halaga ng antique paintings, religious images, tinangay sa Alfonso

Arestado ang isang caretaker na suspek sa pagnanakaw matapos nitong kunin ang mahigit P2.1 milyong halaga ng mga antikong painting at mga relihiyosong imahe mula sa bahay at bodega ng kanyang amo sa Alfonso.

Batay sa ulat ng Cavite police, ang may-ari, na kinilala lamang sa sa pangalang “Francis,” 63, at isang antigong kolektor, ay nagtungo sa pulisya ng Alfonso dakong 6:30 ng gabi upang magsampa ng reklamo laban sa kanyang house caretaker

Iginiit ng complainant na nagnakaw umano si De Lima mula sa kanyang antigong koleksyon – mga painting at ivory images ng ilang religious figure – sa kanyang mga bahay sa Barangay Esperanza Ilaya sa Alfonso, Barangay Zambal sa kalapit na Tagaytay City, at kanyang bodega sa Barangay Luksuhin Ibaba sa Alfonso.

Tinatayang nasa P2,150,000 ang halaga ng mga ninakaw.

Matapos magsampa ng reklamo ay kaagad na na pinuntahan ng Alfonso police ang bahay ng suspek sa Barangay Zambal at inaresto ito makalipas ang ilang oras.

Narekober ng pulisya ang dalawang ninakaw na painting na nagkakahalaga ng P300,000 sa bahay ng suspek.

Sa kasalukuyan ay nakakulong ang suspek at nahaharap sa kasong kriminal.

Cavite COVID-19 Tracker

Other Stories