P100 milyong libel case isinampa ni Pacquiao vs Quiboloy

Sinampahan ng P100 mil­yong libel at cyberlibel case ni Senador Manny Pacquiao laban kay Pastor Apollo Quiboloy sa Makati City Pro­secutor’s Office dahil sa mga alegasyon ng korapsyon sa isang proyekto sa lalawigan ng Saranggani.

Sa 13-pahinang reklamo, humihingi si Pacquiao ng P100 milyon bilang kabayaran sa damages bukod pa sa bayad sa abogado dahil sa umano’y paggamit ni Quiboloy sa kaniyang kapangyarihan at impluwensya para magpakalat ng fake news at pekeng impormasyon.

Nag-ugat ang reklamo ng senador sa  isang “television at social media post” ni Quiboloy na nag-aakusa kay ­Pacquiao sa paglustay ng pondo sa hindi natapos na Sarangani Sports Training Center.

Nagkakahalaga umano ang proyekto ng P35 bilyon ngunit nagpakita si Quiboloy ng mga sira-sirang blea­chers at nagtataasan nang mga damo.

Nagkakahalaga umano ang proyekto ng P35 bilyon ngunit nagpakita si Quiboloy ng mga sira-sirang blea­chers at nagtataasan nang mga damo.

Iginiit ni Pacquiao na ang sinasabing P35 bilyon ay inilaan para sa Philippines Sports Traning Cente sa Bataan at walang kinalaman ang senador sa proyekto.  Ang ipinakita rin umanong sira-sirang gusali sa video ni Quiboloy ay kuha ng lumang pasilidad ng Sarangani Pro­vince Sports Comples.

Si Quiboloy ang pinuno ng sektang Kingdom of Jesus Christ, may-ari ng Sonshine Radio at spiritual adviser ni Pangulong Rodrigo Duterte. – Malou Escudero

Source: Phil Star Ngayon