OFW Humihiling sa mas Maiksing Quarantine Matapos Mamatay ang Babaeng Anak nito

Base sa pahayag ni Cedric Castillo, sinugod ang babae nitong anak matapos mamataan ng mga kamag anak nito na siya ay namumutla at di nagsasalita. Resulta ng CT Scan na may namuong dugo sa utak nito na naging sanhi ng kanyang pagkamatay.

Namatay ito nitong Hulyo 7, 2021 pagkatapos ng moving up nito sa Junior High. Ang nanay nito na si Rosamil ay nahirapan pa magbook ng flight mula sa United Arab Emirates na naging sanhi ng hindi pagdating nito sa tamang araw.

Hindi napigilan ng nanay nito ang kanyang luha matapos maalala na huling kita na pala niya nito sa kanyang anak sa video call.

“Hindi mo man lang mahawakan, sa camera mo lang makikita. Hanggang sa tuluyan bumigay na. Kinakausap ko lang: ‘Antayin mo lang si Mama, lakasan mo lang anak,'” pahayag ni Rosamil.

Pangatlong araw na ng 14 days Isolation nito sa Tanza, Cavite at humihiling si Rosamil sa Gobyerno na mas paiksiin ang kanyang quarantine ng sa gayon ay maka attend siya ng buro l ng kanyang anak.

“Nagmamakaawa po sa inyo sa kahulihulihang pagkakataon, pagbigyan niyo na makasama ko ng saglit ang anak ko,” pahayag ni Rosamil.

“Yun ang kahilingan na makita ang anak ko. Nandito na ako sa bansa natin, konti na lang makasama ko ang anak ko,” dagdag nito.

Inihayag ng IATF na tanging Department of Health lamang ang makakapagdesisyon ukol sa hiling ni Rosamil. Iniutos ng Malacañang na magkaroon ng gantong Restriction kabilang na ang UAE sa restriction na ito upang maiwasan ang pagkalat ang maaring dalang sakit ng mga dumating tulad ng COVID-19.

Epektibo ang patakarang ito hanggang sa katapusan ng Hulyo.