Mall Hours sa Cavite, Hanggang 9PM na

Ang mga mall hours ay extended na hanggang 9PM ngayong buwan ng Disyembre sa lalawigan ng Cavite. Ito ay ayon sa pinakahuling pahayag ni Cavite Governor Jonvic Remulla sa kaniyang Facebook page nitong Miyerkules, Disyembre 2, 2020.

“Ang mall hours po ay extended ngayong December hanggang 9PM with last customer in at 8:30PM.” ayon kay Remulla.

Kasabay nito, binanggit din ni Remulla na papayagan na ang mga menor de edad sa loob ng mga mall ngunit kinakailangang may kasamang magulang ang mga ito.

“Ang minors ay puede na rin sumama sa mall ngunit dapat kasama ang magulang. Mask and shield for kids apply.” ani Remulla.

Ang mga panuntunang ito ay ipinatutupad ngayong buwan ng Disyembre.

Samantala, nananatili naman ang buong lalawigan ng Cavite sa ilalim ng MGCQ o Modified General Community Quarantine simula Disyembre 1 hanggang 31 ngayong taon.

Cavite COVID-19 Tracker

Para sa buong talaan ng mga kaso ng COVID-19 sa bawat lungsod at bayan sa Cavite, tignan ang CAVITE COVID-19 TRACKER.

Other Stories

For more news and important updates about Cavite, please like Proud Caviteño Facebook page.