Biyahe ng Pampublikong Sasakyan sa PITX, Nadagdagan pa

Junior High School (JHS) students inside the classroom (RIO DELUVIO / FILE PHOTO / MANILA BULLETIN)

Ayon sa anunsyo ng Parañaque Integrated Terminal Exchange (PITX), nadagdagan ang kanilang mga pampublikong sasakyan matapos mabigyan ng special permit ang 30 bus units. “Tatlumpung (30) bus units ang binigyan ng panibagong special permit ng Land Transportation Franchising and Regulatory Board (LTFRB) para sa biyaheng PITX-Lawton na sasagot sa kakulangan ng pampublikong sasakyan na kailangan para sa nasabing ruta.” ayon sa kanilang anunsyo.

Sa kasalukuyan ay bumabiyahe na ang mga bus na hawak ng Mega Manila Consortium Corporation via Roxas Blvd., Padre Burgos route. Kabilang din dito ang Cher Transport Corp., Bovjen Transport Services, at JRMS Golden Sky Transport Inc.

Samantala, ang ilan sa mga ruta ng bus na manggagaling sa PITX ay ang mga sumusunod:

• EDSA Carousel (PITX – Monumento via EDSA)
• PITX – Dasma
• PITX – NAIA Loop
• PITX – Alabang
• PITX – Monumento (via R10)
• PITX – Trece Martires
• PITX – Naic
• PITX – Sucat
• PITX – Cavite City
• PITX – Southmall
• PITX – Vito Cruz
• PITX – Nichols

Paalala naman ng pamunuan ng terminal, sumunod sa mga patakaran upang maiwasan ang pagkalat ng sakit sa mga pampublikong lugar.

“Patuloy pa ring ipinatutupad ng PITX ang safety measures sa terminal para maiwasan ang pagkalat ng COVID-19. Ilan sa mga pinaiiral ay ang physical distancing, pagsuot ng face mask, at paghikayat sa mga pasahero na palaging maghugas o magsanitize ng mga kamay.” ayon sa kanila.

Cavite COVID-19 Tracker

Para sa buong talaan ng mga kaso ng COVID-19 sa bawat lungsod at bayan sa Cavite, tignan ang CAVITE COVID-19 TRACKER.

Other Stories

For more news and important updates about Cavite, please like Proud Caviteño Facebook page.