6 na mangingisda, arestado sa dynamite fishing sa Ternate

Kinilala ng PCG ang mga suspek na sina Acer Conjelado, 40, kapitan ng bangka; at mga tripulante ng bangka na sina Arnel Montecalvo, 49; Robert Orqueza, 35; Nikko Antiojo, 23; Albert Conjelado, 45; at Jaymar Orqueza, 25. Pawang residente ng Brgy. Labac, Naic, Cavite.

Ayon sa ulat ng Manila Bulletin, ang magkasanib na pwersa ng PCG at PNP teams ay nagsasagawa ng maritime security patrol sa Carabao Island sa bayan ng Ternate noong Nobyembre 10 nang makita nila ang isang “kahina-hinalang” fishing boat na pinangalanang “Sky Jay”.

Lumapit ang mga awtoridad sa fishing banca at wala nang nagawa ang mga mangingisda nang isailalim sila sa inspeksyon.

Sinabi ng PCG na natagpuan nila sa banca ang anim na homemade dynamites na nakakabit sa 750 mL na bote na may air compressor.

“The PCG Station Cavite remains active in seaborne patrols to suppress illegal, unreported, unregulated fishing and other lawless activities in their area of responsibility,” pahayag ng PCG.

Ang paggamit ng dinamita at iba pang mapanirang pamamaraan sa pangingisda ay ipinagbabawal sa ilalim ng batas dahil sinisira nito ang mga korales, tahanan ng mga isda na nakatutulong sa kanilang pagpaparami, at iba pang buhay sa dagat.

Cavite COVID-19 Tracker

Other Stories