Silang, Nakapagtala ng 15 Bagong Kaso ng COVID-19

Junior High School (JHS) students inside the classroom (RIO DELUVIO / FILE PHOTO / MANILA BULLETIN)

May 121 kabuuang bilang na ng kumpirmadong kaso ng COVID-19 sa bayan ng Silang sa Cavite matapos ianunsyo ni Mayor Corie Poblete ang pagkakaroon ng 15 bagong kaso ngayong Biyernes, Hulyo 31, 2020 sa kaniyang Facebook page.

Narito ang bilang ng mga bagong kumpirmadong kaso kada-barangay:

Brgy Bulihan – 4 bagong kaso
Brgy Yakal – 3 bagong kaso
Brgy Acacia – 2 bagong kaso
Brgy Narra III – 2 bagong kaso
Brgy Narra I – 1 bagong kaso
Brgy Narra II – 1 bagong kaso
Brgy Ipil II– 1 bagong kaso

Ayon sa alkalde, ang karamihan sa mga naitalang nagpositibo sa COVID-19 ay sumailalim sa mass testing na isinagawa bilang protocol sa kumpanya na kanilang pinagtatrabahuhan.

“Karamihan sa ating mga cases ay mga worker na sumailalim sa Mass testing na protocol ng kanilang kumpanya, symptomatic at tatlo rito ay nagkaroon ng direct contact sa Confirmed COVID-19 patients.” ayon kay Poblete.

“Nasa Isolation Center na ang mga pasyente at nasa stable na kalagayan.” dagdag nito.

Paalala rin ng alkalde, patuloy na sumunod sa health protocols upang makaiwas sa banta ng Coronavirus. “Hangga’t maaari po ay manatili sa ating tahanan at sumunod sa ating mga protokol. Mag-ingat po lalo na ang ating mga workers.” aniya.

Sa kabuuan, mayroon nang 121 kumpirmadong kaso ng COVID-19 ang bayan ng Silang.

Cavite COVID-19 Tracker

Para sa buong talaan ng mga kaso ng COVID-19 sa bawat lungsod at bayan sa Cavite, tignan ang CAVITE COVID-19 TRACKER.

Other Stories

For more news and important updates about Cavite, please like Proud Caviteño Facebook page.