Kaso ng COVID-19 sa Cavite City, Umabot na sa 94

7 na panibagong kaso ng COVID-19 ang naitala sa Cavite City kung saan 3 dito ang naitala nitong Agosto 18 at 4 naman nitong  Agosto 19. Ang mga pasyente ay kinilalang sina Patient #88 hanggang Patient #94.

Narito ang impormasyong inilabas ng pamahalaang lungsod tungkol sa mga pasyenteng nagpositibo sa COVID-19 nitong Agosto 18:

Patient #88 – isang babae na residente ng Barangay 44. Empleyado ito ng isang pribadong kumpanya sa labas ng Cavite City.
Close contact ito ng kasamahan sa trabaho na nag-positibo din sa Coronavirus Disease. Kasalukuyan itong asymptomatic at nakatakdang i-admit sa Cavite City Quarantine Facility (CCQF).

Patient #89 – isang babae na nakatira sa Barangay 10-B. Ito ay asymptomatic at nakatakdang dalhin sa CCQF.

Patient #90 – isang babae na mula rin sa Barangay 10-B. Close contact ito ni Patient #89. Asymptomatic ito at nakatakdang i-admit sa CCQF.

Samantala, narito naman ang mga naitalang nagpositibo sa COVID-19 nitong Agosto 19:

Patient #91 – isang lalaki na nakatira sa Barangay 17. May nararamdamang sintomas ang pasyente at kasalukuyang naka-admit sa isang ospital sa labas ng Cavite City.

Patient #92 – isang babae na mula sa Barangay 12. Symptomatic ito at nakatakdang dalhin sa CCQF.

Patient #93 – isang lalaki na nakatira sa Barangay 6. Ito ay na-admit sa isang ospital sa Cavite City ngunit binawian ng buhay kasabay ng pagkuha ng swab test nitong Agosto 1, 2020. Lumabas naman ang resulta nitong Agosto 9, 2020.

Patient #94 – isang lalaki na mula sa Barangay 43. Close contact ito ni Patient #77 at kasalukuyang symptomatic. Nakatakda itong dalhin sa CCQF.

Sa kasalukuyan, mayroon nang 94 kabuuang kaso ng COVID-19 sa Cavite City kung saan 64 ang gumaling na at 6 naman ang nasawi. Samantala, mayroon ding 52 suspect cases ang lungsod.

Cavite COVID-19 Tracker

Para sa buong talaan ng mga kaso ng COVID-19 sa bawat lungsod at bayan sa Cavite, tignan ang CAVITE COVID-19 TRACKER.

Other Stories

For more news and important updates about Cavite, please like Proud Caviteño Facebook page.