Cavite, Mananatili sa GCQ Hanggang Hulyo 31

Kabilang ang lalawigan ng Cavite sa mananatili sa ilalim ng GCQ o General Community Quarantine hanggang Hulyo 31, 2020 ayon sa anunsyong inilabas ngayong Miyerkules ng gabi, Hulyo 15, 2020.

Ang ibang lugar na kabilang din sa mga mananatili sa GCQ sa Luzon hanggang Hulyo 31 ay ang mga sumusunod:

• Metro Manila
• Laguna
• Rizal

Samantala, inanunsyo ni Presidential Spokesman Harry Roque na unang sumang-ayon ang presidente na ibalik sa MECQ o Modified Enhanced Community Quarantine ang Metro Manila dahil sa patuloy na pagtaas ng kaso ng COVID-19 dito ngunit pinayagan na itong manatili sa GC! matapos pag-usapan ng IATF at ng mga eksperto mula sa University of the Philippines.

“Nag-apela po ang ating Chief Implementer Carlito Galvez at Interior Secretary Eduardo Año dahil nangako po ang ating mga mayor sa Metro Manila na paiigtingin pa nila ang localized lockdown, palalakasin ang testing, tracing and treatment, at ipatutupad ng mas malawakan yung restrictions sa GCQ” ayon kay Roque.

“Sumang-ayon po ang presidente na huwag munang ibalik sa MECQ ang Metro Manila sa susunod na dalawang linggo.” dagdag pa nito.

Sa kasalukuyan, mayroon nang 58,850 kabuuang bilang ng mga nagpositibo sa COVID-19 sa buong bansa kung saan 36,260 dito ang active cases, 20,976 ang gumaling na, at 1,614 naman ang nasawi.

Other Stories

For more news and important updates about Cavite, please like Proud Caviteño Facebook page.