Cavite, Isa sa may Pinakamataas na Bagong Kaso ng COVID-19 sa Buong Pilipinas

Junior High School (JHS) students inside the classroom (RIO DELUVIO / FILE PHOTO / MANILA BULLETIN)

Umakyat na sa 119,460 ang kabuuang bilang ng kumpirmadong kaso ng COVID-19 sa buong Pilipinas matapos makapagtala ang Department of Health (DOH) ng 3,561 panibagong kaso ngayong Huwebes, Agosto 6, 2020.

Ayon din sa datos ng DOH, pang-apat na may pinakamataas na bagong kaso ng COVID-19 sa buong bansa ang lalawigan ng Cavite. Ang limang lugar na mayroong pinakamataas na bagong kaso ng COVID-19 sa Pilipinas ay ang Metro Manila (2,041), Laguna (222), Cebu (221), Cavite (100), at Rizal (81).

Sa kasalukuyan, ang lungsod ng Bacoor ang may pinakamataas na kaso ng COVID-19 na naitala kung saan 815 na ang naitalang kaso. Sa 815 kaso ng COVID-19 sa lungsod, 409 dito ang active cases, 367 ang gumaling na at 39 naman ang mga nasawi.

Sinundan ito ng General Trias City na mayroong 509 kabuuang kaso ng COVID-19 kung saan 388 ang active cases, 112 ang gumaling na at 9 naman ang nasawi.

Ikatlo naman ang lungsod ng Dasmariñas na may 421 kabuuang kaso ng COVID-19. 199 dito ang active cases, 201 ang gumaling at 21 naman ang mga binawian ng buhay.

Ang lalawigan ng Cavite ay isa sa mga sumailalim sa Modified Enhanced Community Quarantine o MECQ na nagsimula noong Agosto 4 hanggang Agosto 18, 2020.

BASAHIN | MECQ GUIDELINES IN CAVITE

Cavite COVID-19 Tracker

Para sa buong talaan ng mga kaso ng COVID-19 sa bawat lungsod at bayan sa Cavite, tignan ang CAVITE COVID-19 TRACKER.

Other Stories

For more news and important updates about Cavite, please like Proud Caviteño Facebook page.