Cavite, Hindi Sasailalim sa MGCQ Dahil sa Patuloy na Pagtaas ng Kaso ng COVID-19

Ayon sa pahayag ni Cavite Governor Jonvic Remulla nitong Martes, Hunyo 30, hindi sasailalim sa MGCQ o Modified General Community Quarantine ang Cavite dahil sa patuloy na pagtaas ng kaso ng COVID-19 sa lalawigan.

Aniya, hindi niya inirekomenda sa Inter-Agency Task Force o IATF ang pagsasailalim ng lalawigan ng MGCQ. “Upon concurrence with the IATF, I have chosen NOT to recommend that Cavite be put under a MODIFIED GENERAL COMMUNITY QUARANTINE or MGCQ.” ayon kay Remulla.

Ang dahilan ng gobernador dito ay ang patuloy na pagtaas ng kaso ng mga nagpopositibo sa COVID-19 sa lalawigan. “Pataas ang numero ng mga kaso natin. From below 300 during ECQ ngayon ay lagpas 600 na.” ani Remulla.

Paglilinaw din ng gobernador, hindi naman babalik sa ECQ ang lalawigan ng Cavite. “Hinde po tayo babalik sa ECQ. Kaya pa naman ng ating mga ospital.” ayon sa gobernador.

Paalala naman ni Remulla na mag-ingat kahit na malakas ang pangangatawan dahil maaaring magpositibo sa COVID-19 ngunit asymptomatic o hindi makaranas ng sintomas ngunit lubos na nakakahawa sa iba. “Mag-ingat kahit na malakas ang inyong katawan dahil pwede kayong asymptomatic, o walang nararamdaman, ngunit “super spreader” o malakas makahawa. Baka mahawahan ninyo ang inyong mga mahal sa buhay lalo na ang mga Senior Citizens.” paalala nito.

Dagdag ng gobernador, ang tanging sandata sa COVID-19 sa kasalukuyan ay ang pagsunod sa patakaran dahil wala pang bakuna ang nasabing sakit. “WALA pa rin bakuna para sa COVID. Ang tanging panangga lamang ay ang ating pagsunod sa mga patakaran.” aniya.

Samantala, tuloy pa rin umano ang targeted testing para sa mga frontliners. Wala pa rin umanong patakaran ang IATF tungkol sa angkas. Nananatili namang sarado ang mga hotel, motel, bars, at gimikan,

“Ang tanging panlaban sa COVID ay sarili natin. Gabay ang IATF. Subaybay ang LGU. BY NOW YOU KNOW WHAT TO DO AND AVOID. THE GUIDELINES ARE CLEAR. WE ARE ALL COMPETENT ENOUGH TO UNDERSTAND. Disiplina at doble ingat na lang ang kailangan natin.” dagdag na paalala ng gobernador.

Other Stories

For more news and important updates about Cavite, please like Proud Caviteño Facebook page.