Bagong Panukala Tungkol Sa Pag-Inom Ng Alak, Ipapatupad sa Cavite

Ayon sa pinakahuling Facebook post ni Cavite Governor Jonvic Remulla ngayong araw ng Miyerkules, Hunyo 24, 2020, magkakaroon ng bagong panukala ang lalawigan ng Cavite.

Sa bagong panukalang ito, magkakaroon na ng Alcohol Breath Analyzer ang mga kapulisan upang matukoy kung ang isang indibiduwal ba ay nakainom.

Ayon sa gobernador, ang sinumang mahuling sobra sa alcohol limit ang nainom at bumagsak sa alcohol breath analyzer ay aarestuhin at makukulong. “Magkakaron na ng Alcohol Breath Analyzer ang ating kapulisan. Ang mahuli na sobra sa blood alcohol limit habang nagmamaneho ng sasakyan ay automatic na aresto at kulong.” ani Remulla.

Samantala, bibigyan naman ng multa ang sinumang mahuli na naglalakad sa kalsada na hinihinalang nakainom at bumagsak sa breath analyzer test.

Ayon sa gobernador, ito ay para sa kapakanan ng nakararami. Maaari umanong uminom ng marami kung nasa loob lamang ng bahay ngunit maaaring maaresto at makulong ang sinumang mahuhuling nakainom sa lansangan. “Huwag ho kayong magulat o magalit ito ay para sa inyong kapakanan. Ako po mismo paminsan-minsan ay mahilig sa San Mig Light. Hinde po namin pinagbabawal ang uminom ng marami. Pag nasa loob ng bahay ay kayo ang masusunod. Pero sa lansangan, ang batas na ang iiral.” ani Remulla.

Other Stories

For more news and important updates about Cavite, please like Proud Caviteño Facebook page.