7 Kumpirmadong Kaso ng COVID-19, Naitala sa GMA, Cavite

Junior High School (JHS) students inside the classroom (RIO DELUVIO / FILE PHOTO / MANILA BULLETIN)

Inanunsyo ng pamahalaang lokal ng General Mariano Alvarez, Cavite ang pagkakaroon ng bayan ng 7 panibagong kaso ng COVID-19 ngayong Huwebes, Hulyo 30, 2020. Sa kabuuan, mayroon nang 144 kaso ng COVID-19 sa nasabing bayan.

Ayon sa inilabas na impormasyon ng bayan, narito ang mga bagong naitalang pasyente na positibo sa COVID-19.

Patient #138 – 31 taong gulang na lalaki mula sa Brgy. Poblacion 1.
Patient #139 – 17 taong gulang na babae na residente ng Brgy. Elises. Ito ay anak ni Patient #94.
Patient #140 – 46 taong gulang na babae mula sa Brgy. G. De Jesus.
Patient #141 – 25 taong gulang na lalaki na nakatira sa Brgy. San Gabriel.
Patient #142 – 22 taong gulang na babae na residente ng Brgy. Memije.
Patient #143 – 22 taong gulang na lalaki na mula sa Brgy. Pulido.
Patient #144 – 81 taong gulang na babae na nakatira sa Brgy. Calimag.

Ang lahat ng mga nabanggit na pasyente ay symptomatic o nakakaranas ng mga sintomas maliban kay Patient #142 na walang nararamdaman anumang sintomas ng sakit.

Ayon sa pamahalaang lokal, sinisiguro nila na nasusunod ang mga wastong hakbang upang maiwasan ang mas pagkalat ng sakit kagaya ng contact tracing. Dagdag din nila, ang mga apektadong pamilya ay makakatanggap ng tulong mula sa pamahalaan. “Kasalukuyan na pong isinasagawa ang contact tracing ng ating health monitoring team at sila ay under strict quarantine protocol. Ang pamahalaang bayan din ay magbibigay ng tulong sa mga apektadong pamilya. ” ayon sa bayan.

Sa kabuuan, mayroon nang 144 kumpirmadong kaso ng COVID-19 sa bayan ng General Mariano Alvarez, Cavite kung saan 8 dito ang active cases, 55 ang gumaling na at 4 naman ang bilang ng mga nasawi.

Cavite COVID-19 Tracker

Para sa buong talaan ng mga kaso ng COVID-19 sa bawat lungsod at bayan sa Cavite, tignan ang CAVITE COVID-19 TRACKER.

Other Stories

For more news and important updates about Cavite, please like Proud Caviteño Facebook page.