6 Panibagong Kaso ng COVID-19 Positive sa Cavite City

6 panibagong kaso ng COVID-19 ang naitala sa Cavite City ngayong Linggo, Agosto 9, 2020 ayon sa lokal na pamahalaan. Ang mga pasyente ay kinilalang sina Patient #71 hanggang Patient #76.

Narito ang impormasyong inilabas ng pamahalaang lungsod tungkol sa mga pasyenteng nagpositibo sa COVID-19:

Patient #71 – Isang lalaki na residente ng Barangay 5e-B. Isa itong frontliner. Kasalukuyang asymptomatic o may mga sintomas na nararamdaman ang pasyente at naka-admit sa isang facility sa labas ng Cavite City.

Patient #72 – Isang babae na nakatira sa Barangay 48-M. Empleyado ito ng isang pribadong kumpanya sa labas ng Cavite City. Wala namang nararamdamang anumang sintomas ang pasyente at nakatakdang dalhin sa Cavite City Quarantine Facility (CCQF)

Patient #73 – Isang lalaki na residente ng Barangay 52. Isa itong frontliner na kasalukuyang naka-admit sa isang facility sa labas ng Cavite City. Ang pasyente ay symptomatic.

Patient #74 – Isang babae mula sa Barangay 24. Isa itong government employee sa probinsya ng Cavite. Symptomatic ito at nakatakdang i-admit sa CCQF.

Patient #75 – Isang babae na nakatira sa Barangay 49-A. Isa itong frontliner at nakaconfine sa isang ospital sa labas ng lungsod. Kasalukuyan itong nakakaranas ng sintomas.

Patient #76 – Isang lalaki mula sa Barangay 42-A. Empleyado siya ng isang pribadong kumpanya sa labas ng Cavite City. Symptomatic ito at nakatakdang mai-admit sa CCQF.

Sa kasalukuyan, mayroon nang 76 kabuuang kaso ng COVID-19 sa Cavite City kung saan 33 ang gumaling na at 5 naman ang nasawi. Samantala, mayroon ding 13 probable cases ang lungsod at 31 suspect cases.

Cavite COVID-19 Tracker

Para sa buong talaan ng mga kaso ng COVID-19 sa bawat lungsod at bayan sa Cavite, tignan ang CAVITE COVID-19 TRACKER.

Other Stories

For more news and important updates about Cavite, please like Proud Caviteño Facebook page.