4 Karagdagang Kaso ng COVID-19 sa Cavite City

Inanunsyo ng pamahalaang lungsod ng Cavite ang sa kanilang opisyal na Facebook page ang pagkakaroon ng 4 na panibagong kumpirmadong kaso ng COVID-19 sa nasabing lungsod nitong Linggo, Agosto 23, 2020.

Narito ang impormasyong inilabas ng pamahalaang lungsod tungkol sa mga pasyenteng nagpositibo sa COVID-19:

Patient #97 – isang lalaki na residente ng Barangay 42-M. Kasalukuyan itong symtomatic at naka-admit sa isang ospitalsa labas ng Cavite City.

Patient #98 –  isang babae na nakatira sa Barangay 43. Isa itong frontliner at kasalukuyang asymptomatic. Naka-home quarantine ang pasyente.

Patient #99 – isang babae na nakatira sa Barangay 43. Isa itong frontliner at naka-home quarantine. Wala namang nararamdamang anumang sintomas ang pasyente.

Patient #100 – isang lalaki na residente ng Barangay 50. Empleyado ito ng isang pribadong kumpanya sa labas ng Cavite City. Kasalukuyang symptomatic ang pasyente at nakatakdang i-admit sa Cavite City Quarantine Facility (CCQF).

Sa kasalukuyan, mayroon nang 100 kabuuang kaso ng COVID-19 na naitala sa Cavite City kung saan 64 dito ang gumaling na at 6 naman ang mga nasawi.

Cavite COVID-19 Tracker

Para sa buong talaan ng mga kaso ng COVID-19 sa bawat lungsod at bayan sa Cavite, tignan ang CAVITE COVID-19 TRACKER.

Other Stories

For more news and important updates about Cavite, please like Proud Caviteño Facebook page.