3 Bagong Kaso ng COVID-19 sa Trece Martires, Cavite

Junior High School (JHS) students inside the classroom (RIO DELUVIO / FILE PHOTO / MANILA BULLETIN)

Nakapagtala ng 3 bagong kumpirmadong kaso ng COVID-19 ang lungsod ng Trece Martires ngayong araw ng Huwebes, Hulyo 30, 2020 ayon sa anunsyo ni Trece Martires Mayor Gemma Lubigan sa Facebook page ng lungsod.

Ang mga pasyente ay kinilalang sina:

Patient #56 – 44 taong gulang na lalaki na residente ng Brgy. Cabuco. Nagtatrabaho ito sa isang pribadong kumpanya. Kasalukuyan naman itong naka-home quarantine at walang nararamdamang anumang sintomas.

Patient #57 – 56 taong gulang na lalaki mula sa Brgy. Aguado at isang jeepney driver. Kasalukuyan itong naka-isolate sa bahay at nakakaramdam ng sintomas.

Patient #58 – 41 taong gulang na lalaki na residente ng Brgy. Cabuco. Isa itong jeepney driver. Sa kasalukuyan, naka-quarantine ito sa isolation facility ng lungsod at nakakaramdam ng sintomas.

Sa kabuuan, mayroon nang 58 kumpirmadong kaso ng COVID-19 sa lungsod ng Trece Martires. 20 sa mga ito ang gumaling na at 2 naman ang naitalang nasawi. 

Samantala, mayroong naitalang 75 suspect cases ang lungsod kung saan 29 dito ang negative ang lumabas na resulta at 40 naman ang nasawi. 286 naman ang kabuuang bilang ng mga probable cases sa lungsod kung saan 211 dito ang nagnegatibo sa COVID-19 at 11 naman ang binawian ng buhay.

Patuloy naman ang paalala ng lungsod sa pagsunod sa mga health protocols upang maiwasan ang pagkalat pa ng sakit.

Cavite COVID-19 Tracker

Para sa buong talaan ng mga kaso ng COVID-19 sa bawat lungsod at bayan sa Cavite, tignan ang CAVITE COVID-19 TRACKER.

Other Stories

For more news and important updates about Cavite, please like Proud Caviteño Facebook page.