2 Pasyente ng COVID-19 sa Kawit, Nasawi

Junior High School (JHS) students inside the classroom (RIO DELUVIO / FILE PHOTO / MANILA BULLETIN)

Inanunsyo ni Kawit Mayor Angelo Aguinaldo sa kaniyang Facebook page ang pagkasawi ng 2 pasyente ng COVID-19 sa bayan ngayong Agosto 7, 2020. “Isang nakakalungkot na balita po ang natanggap natin mula sa Kawit Rural Health Unit (RHU). Dalawang Kawitenyo po ang binawian ng buhay dulot ng COVID-19. Sila po sina Patient 49 at Patient 70.” malungkot na balita nito.

Ayon sa inilabas na impormasyon ng pamahalaan ng Kawit, narito ang detalye ng mga pasyenteng nasawi:

Patient #49 – 59 taong gulang na lalaki mula sa Barangay Toclong.
Patient #70 – 58 anyos na babae na residente ng Barangay Tabon 1.

Iniabot naman ni Aguinaldo ang kaniyang pakikiramay sa mga pamilyang naulila. “Kasama ang buong Kawit LGU, ipiniparating namin ang aming pakikiramay sa pamilya at mga kaibigan ng dalawang yumaong pasyente.” pahayag nito.

“Sila po ang 5th at 6th COVID-19-related death sa ating bayan. Sa ating pagtanggap ng balitang ito, huwag po tayong panghihinaan nang loob. Ituloy lang po natin ang pagsunod sa ating minimum health protocols, nang sa gayon ay mailayo natin ang ating mga sarili at mga mahal sa buhay mula sa virus na ito.” ayon din dito.

Sa kasalukuyan, mayroon nang 72 kabuuang kaso ng COVID-19 sa Kawit, Cavite kung saan 30 dito ang active cases, 6 ang nasawi at 36 nman ang mga gumaling na.

Cavite COVID-19 Tracker

Para sa buong talaan ng mga kaso ng COVID-19 sa bawat lungsod at bayan sa Cavite, tignan ang CAVITE COVID-19 TRACKER.

Other Stories

For more news and important updates about Cavite, please like Proud Caviteño Facebook page.